Poem for the day

As I was walking all alane,
I heard twa corbies making a mane;
The tane unto the thither say,
'Whar sall we gang and dine the day?'

'In behint yon auld fail dyke,
I wot there lies a new-slain knight;
And naebody kens the he lies there,
But his hawk, his hound, and lady fair.

'His hound is to the hunting gane,
His hawk to fetch the wild-fowl hame,
His lady's ta'en another mate
Sae we may mak our dinner sweet.

'Ye'll sit on his white hause-bane,
And I'll pike out his bonnie blue een:
Wi' ae lock o' his wden hair
We'll theek our nest when it grows bare.

'Mony a one for him makes mane,
But nane sall ken whar he is gane;
O'er his white banes, when they ae bare,
The wind sall blaw for evermair.'

corbie:raven | mane:moan | hause-bane:neck-bone